Të nderuar studentë, Ju njoftojmë se funksionaliteti “Vërtetimi Online” në sistemin SEMS është rifunksionalizuar dhe tani është në dispozicion për përdorim. Përmes këtij shërbimi, mund të gjeneroni dhe printoni vërtetimet zyrtare online, pa pasur nevojë të paraqiteni fizikisht në administratë. Ju ftojmë të hyni në sistem me kredencialet tuaja dhe të shfrytëzoni këtë mundësi në mënyrë efikase dhe të sigurt.

Ftohen studentët për aplikim në programin certifikues të Qendrës për Energji dhe Qëndrueshmëri të Universitetit të Prishtinës- Menaxhimi i Energjisë dhe i Mjedisit. Të drejtë aplikimi kanë studentët nga të gjitha Fakultetet e Universitetit të Prishtinës të cilët kanë të regjistruar së paku semestrin e dytë të studimeve bachelor si dhe të gjithë studentët e tjerë. Të interesuarit për programet certifikuese mund t’i marrin të gjitha informatat në web-faqen e QEQ: https://qeq.uni-pr.edu/ . Aplikimet e kompletuara dorëzohen në zyrën e QEQ (Administrata Qëndrore) deri më 14 Mars 2025, ora 16:00.

Njoftohen të gjithë studentët të cilët janë pjesë e programit certifikues të Qendrës për Energji dhe Qëndrueshmëri të Universitetit të Prishtinës - Energjia e Ripërtritëshme dhe Qëndrueshmëria se nga data 27.01.2025 deri më 03.02.2025 në ora 16:00, do të jetë i hapur SEMS-i për paraqitjen të provimeve për Semestrin Dimëror të vitit akademik 2024/25.